Hvað er hugleiðsla.

Að týna sjálfum sér
Langflest okkar eru fjarverandi og annars hugar, upptekin af  fortíðinni og bíðum eftir framtíðinni. Við erum varla mætt á einn stað þegar við byrjum að flýta okkur á þann næsta.

Vilt þú í raun betra líf?
Við erum eins og við viljum vera. Hvort sem að við erum meðvituð um það eða ekki þá langar okkur ekki öllum að líða vel. Flest okkar viljum við vera í drullupollinum sem við erum í. Erum við ekki flest eða öll að upplifa tilfinningar eins og  reiði, biturð, afbrýðisemi, gagnrýni, dóma, kvíða og ótta? Eða það sem við í Rope Yoga köllum sjálfsvorkunn. Við teljum okkur trú um að við viljum lifa betra lífi en þegar á reynir þá erum við ekki tilbúin til þess að sleppa þessu hugarfari sem er mjög ríkjandi í lífi okkar eða breyta matarvenjum okkar og lífsháttum. Vitandi að þetta þarf til þess að öðlast betra líf.

Hámarsnýting næringar.
Taktu ábyrgð á heilsu þinni og byrjaður að næra þig og líkama þinn af ást og umhyggju.
Þú hefur um tvennt að velja, að blóta matnum sem þú borðar eða blessa hann.

Þegar þú blótar matnum og gefur matnum aukið vald þá verður samdráttur í líkamanum og við nýtum næringuna mun síður úr fæðunni þó svo að fæðan sé næringarmikil.
Hvað erum við þá að næra? Kannski óttann og samviskubikið? Það er mjög algengt að við borðum af vana og af því að okkur leiðist.
Sjaldnast þurfum við á öllum þessum mat að halda og all flestir hugsa betur um bílinn sinn.

Við veljum hvernig okkur líður.

Öll orð og allar hugsanir hafa orku eða tíðni. Mismunandi orð gefa frá sér mismunandi tíðni eða orku og öll þessi orka hefur áhrif á líkamann okkar og huga. Þetta hefur verið sannað vísindalega með vatnakristöllum sem er búið að mynda í gegnum smásjá. Orðin þakklæti og kærleikur eru þau orð sem mynda fallegustu kirstallanna. Þau eru grundvallarlögmál náttúrunnar og lífsundursins.

Þú geislar frá þér hver þú ert. Hefur þú einhvern tímann leitt hugann að því hvaða hugmyndir þú hefur um sjálfan þig? Við geislum eða vörpum út frá okkur hver við erum og fer það eftir því hvaða hugmyndir við höfum um okkur sjálf.

Innsæið er 6. þrepið í Rope yoga hugmyndafræðinni.  Þegar við höfum farið í gegnum fimm fyrstu þrepin þ.e. vitund, ábyrgð, ásetningur, trúfesta og framganga, þá fer innsæi að birtast okkur.